Urri bigarrenaren 1ean, Oskar Garro Lagun Taldeak Igorreko Udalaren laguntzeagaz antolatuta, Igorreko V. Duatloi Herrikoia izango da eskoletan. Hiru kategoria egongo dira: 6 urtera artekoa, 7 eta 12 urte bitartekoa eta 13 urtetik gorakoa.
Sei urte arteko umeen probak izango dira lehenengoak. 11:00etan hasiko dira eta 300 m. galapan, 900 m. bizikletan eta beste 300 m. galapan egingo dabez. Ordu erdi beranduago 7 eta 12 urte bitartekoak hasiko dira. Honeek 900 m. galapan, 1.200 bizikletan eta beste 900 m. barriro be galapan. Nagusienak, 12:00etan urtengo dira eta 2.400 m. arineketan, 5.800 m. bizikletan, eta 2.400 m. arineketan egingo dabez. Probea amaitutakoan partaideentzat kopautxoa eta oparien zozketea egongo da. Parte hartu daben ume guztientzat egongo da oparia.

Izen emotea
Izen emotea 10:00etatik 10:45era izango da Igorreko eskoletan. Hamabi urte arteko umeak 3 euro pagau behar dabez eta 13tik gorakoak 5 euro.
Oskar Garro Lagun Taldeak duatloia antolatuten dau ziklismo egokitutako txirrindulari igorreztarrari lagunduteko. Jasoten dan dirua, alde batetik duatloia bera pagetako eta bestetik ziklisteari entrenamentuakaz lagunduteko eta txapelketetan parte hartzeako erabilten da.