Paperezkoak - Azken Alea
KOMENTARIOAK
Emakumeen I. Klasikoa Zeberiotik abiatu eta Zeberion amaituko da

Maiatzaren 12an jokatuko dan Emakumeen I. Klasikoa Zeberio-Ugao-Arrigorriaga, Bizkaiko Txapelketarako puntuagarria izango da. Lehenengo edizino honetan, Zeberiotik urten eta Zeberion izango dau amaierea lasterketeak. 2018, 2019 eta 2020 urteetan egiteko konpromisoa hartuko dabe hiru herri honeek eta Ugao Txirrindularitza Elkarteak antolatuko dau. Amaia Estiballes, Zeberioko Udalaren Berdintasun saileko teknikaria izan da probearen sustatzailea eta bera izango da lasterketako zuzendaria.
Kategoria desbardineko proba bi egingo dira. Kadeteak, 09:00etan urtengo dira 40 kilometro egiteko. Elite eta Juniorren txandea 11:30ean izango da eta Bizkaiko Txapelketarako puntuagarria izango da. Ibilbideak 92 kilometro ditu.
Lasterketa aurreko astean, Zeberio, Ugao eta Arrigorriagako udalak hitzarmena sinatuko dabe hasikerako 3 urte honeetan konpromisoa beteko dabela bermatuteko.

Ibilbideak
Proba nagusia, Elite eta Junior lasterketea, Ermitabarritik urten eta Elizondon amaituko da. Txirrindurlariak Ermitabarritik urten eta Ugao-Miraballeserantza joango dira. Ugaotik, Arrigorriagara. Han, Lonbotik sartu eta zirkuitu bat egingo dabe herriko kaleetatik zehar. Ondoren barriro be Ugao-Miraballesera joango dira eta handik Zeberiorantza joko dabe Sarasolako gainetik igaroz Artearantza. Arteatik Areatzara joango dira eta Karpoko zubian N-240ra urtengo dira Arrigorriagarantzako bueltako bidea egiteko. Zirkuitu hau birritan egingo dabe. Helmugea Zeberioko Elizondoko gainean egongo da.
Kadeteak, Ermitabarri gainetik urtengo dira, Ugao-Miraballesera joango dira eta handik Arrigorriagarantza. Arrigorriagan Lonbotik sartu eta zirkuitua egingo dabe herriko kaleetatik zehar. Barriro Ugao-Miraballesera eta handik Zeberiorantza joko dabe, helmuga egongo dan Elizondoko gainera helduz.

Zeberioko Berdintasun sailak bultzatuta
Kirola eta jarduera fisikoa jendartearen aldaketearen eragileak dira eta andren eta gizonen arteko bardintasuna sustatzen dabe Amaia Estiballes Zeberioko Bardintasun Teknikariaren ustez, baina kirolean, gizon eta andren artean, desoreka handia dago. Emakumeen I. Klasikoaren helburuak, beste batzuen artean, kirolaren sustapen ekitatiboan parte hartzea eta andrazko kirolari erreferenteak izatea dira.

   

Idatzi zure KOMENTARIOA

 

1. Euskaraz idatzitako testuak bakarrik onartuko dira.

 

2. Ez dira onartuko berba txarrak, debaldeko salaketak eta difamazinoak. BEGITU ez da erantzulea izango.

 

3. Aurreko arauak ez badozuz beteten, BEGITUk neurriak hartuko ditu; besteak beste, komentarioa ezabatzea.

 

4. BEGITUk beretzat gordetzen dau zuk idatzitakoa argitaratzeko eskubidea, beti be iturria ondo nabarmenduta.

 

Izena
E_posta
Gaia
Komentarioa
       

 

Begitu  
Herriak
Kulturea
Kirolak
Begitandu
Begitu eta Zertu
Geure produktuak
Argazki eta bideoak
Zerbitzuak
Estekak
Begitulagunen txokoa
Hartu-emonetarako
Harpidetzak
Agendea
Iragarki laburrak
Inkesta
ZERTU Kultur Elkartea
Herriko Plaza 24, 48142 Artea
Telefonoa: 946 317 314

begitu@topagunea.com
Diseinua eta programazinoa: AIKOX INFORMÁTICA Y PUBLICIDAD