Paperezkoak - Azken Alea
KOMENTARIOAK
Mendi jardunaldiak egingo dira Zeberion

Austarri Mendi Taldeak jardunaldiak antolatu ditu zemendiaren 18tik 23ra. Jardunaldiok domekan, hilak 18, hasiko dira 12 kilometroko mendi ibilaldi eta babajanagaz. Hurrengo astean, astelehen, eguazten eta barikuan, Kilian Jornet: Path to Everest dokumentala, Lur Basterretxearen Karibu Tanzania berbaldia eta Juan Vallejoren Nire mendiak ikus-entzunezkoa ikusteko aukerea egongo da.


Urtekerea Arlaban mendietatik izango da. Partaideak, 08:00retan batuko dira plazan eta autobusez joango dira Krutzeta mendatera. Ibilbidea Jarindo (895 m.) eta Albertia (867 m.) mendi tontorretatik pasauko da Legution amaituteko. Bazkaria Otxandion izango da.

Everest, Kilimanjaro eta Karakorum
Jaume Martí eta Josep Serrak zuzendutako Kilian Jornet: Path to Everest dokumentalean, Kilian Jornet mendiko atletak bere alderik intimoena azaltzen dau, bere bildur, kontraesan eta ilusinoak agerian itxiz. Filma hilaren 19an egongo da ikusgai.
Hilaren 21ean, Karibu Tanzania izeneko berbaldia emongo dau Lur Basterretxeak. Basterretxeak Tanzaniako leku zoragarrietatik ibilbidea eta Kilimanjaro mendiko igoerea azalduteaz gainera, hango lagunakaz bizi izandako esperientzia kontauko dau.
Amaitzeko, hilaren 23an, Juan Vallejoren Nire mendiak ikus-entzunezkoan, Karakorum eta Himalaiako mendi altuenetarako espedizino baten barri emongo dau. Espedizino haretan, 6.000 metroko tontor bat, 7.000ko beste bat eta 8.000ko beste bat eskalatzeko helburua eukien espedizinokoak. Juan Vallejo bera egotekoa da Zeberion, bere bizipenak kontetan. Emonaldi guztiak 20:00etan izango dira.
Aurtengoa, zazpigarren edizinoa da eta oin arteko balantze positiboa egin dabe antolatzaileak.

   

Idatzi zure KOMENTARIOA

 

1. Euskaraz idatzitako testuak bakarrik onartuko dira.

 

2. Ez dira onartuko berba txarrak, debaldeko salaketak eta difamazinoak. BEGITU ez da erantzulea izango.

 

3. Aurreko arauak ez badozuz beteten, BEGITUk neurriak hartuko ditu; besteak beste, komentarioa ezabatzea.

 

4. BEGITUk beretzat gordetzen dau zuk idatzitakoa argitaratzeko eskubidea, beti be iturria ondo nabarmenduta.

 

Izena
E_posta
Gaia
Komentarioa
       

 

Begitu  
Herriak
Kulturea
Kirolak
Begitandu
Begitu eta Zertu
Geure produktuak
Argazki eta bideoak
Zerbitzuak
Estekak
Begitulagunen txokoa
Hartu-emonetarako
Harpidetzak
Agendea
Iragarki laburrak
Inkesta
ZERTU Kultur Elkartea
Herriko Plaza 24, 48142 Artea
Telefonoa: 946 317 314

begitu@topagunea.com
Diseinua eta programazinoa: AIKOX INFORMÁTICA Y PUBLICIDAD