Paperezkoak - Azken Alea
KOMENTARIOAK
Skate tailerra egongo da Lemoako Kirol Astean

Domekako Lemoatx Trail Lasterketeagaz hasi da Lemoako Kirol Astea eta datorren domekara arte, zemendiak 24, kirolaren gaineko hainbat jarduera antolatu ditue Udalak eta zenbait kirolen inguruko herriko alkartek. Mendi ibilaldien gaineko proiekzinoak, txirrindularitzeari buruzko mahai-ingurua, pelotea, bertsoak, skate tailerra eta duatloi txikia dira antolatutako jarduerak.


Ganzabal Mendi Taldeak antolatutako Lemoatx Trail-egaz hasi da astea. Lasterketa luzeak 24 kilometro izan ebazan eta laburrak 16. Ibilbide bera egitea egoan martxa luzea eta martxa laburrean. Kepa Vallejo eta Oihana Azkorbebeitia izan ziran irabazleak lasterketa luzean eta Oier Ariznabarreta eta Garazi Irazabal laburrean.
Kirol asteko hurrengo ekintza be mendiari lotuta dago. Ganzabal Mendi Taldeko Bazkideen proiekzinoen artean, Arratiako Marimendien Eslobakia zatitxo bat aukeratu dabe Kirol asterako. Marimendiak, 40 urtetik gorako andra mendizaleak dira, goi mendiak egiten dituenak. Eguaztenean izango da, hilaren 20an, 20:00etan, jubiladuen lokaleko gaineko aretoan.
Barikurako, Lemoako Txirrindulari Elkarteak mahai-ingurua antolatu dau. Bertan, Joseba Beloki, David Lopez eta David Etxebarria txirrindulari profesional ohiak, Kepa Zelaia, kirol medikua, Ainara Hernando kirol kazetaria eta Julen Agirre txirrindularitzarako erropa diseinatzailea egongo dira. 19:00etan izango da kiroldegiko frontoian. Egun berean, 17:00etan, Lemoako Esku Pilota taldeak antolatutako umeen pelota partiduak ikusteko aukerea egongo da eta 21:00etan, bertso pelotea. Mikel Aurrekoetxea eta Imanol Arrese, eta Ander Elezkano eta Endika Garcia izango dira pelotariak; bertsolariak barriz, Illart Gumuzio eta Igor Menika.
Helburua kirola sustatzea da eta persona bakotxak topau dagiala bere gustuko kirola; horregaitik, hain zabalduak ez dagozan kirolak probetako aukerea izaten da Kirol Astean. Hori dala-eta, zapatuan, 11:30etik 14:00etara, Udalak skate tailerra eta erakustaldia antolatu dau skate parkean. Horretarako Gure Txoko, Zorrozaurreko (Bilbo) skate eskolakoak izango dira Lemoan. Eskolakoak ipiniko dabe materiala eta probetan animetan diran guztiak hartu leikie parte.
Asteari amaierea emoteko, hurrengo egunerako duatloi txikia antolatu dabe eskolan, 11:00etan, JB Eguzkitza Meabe Ikastetxeko Guraso Elkartekoak.
Aste osoan zehar ekintzak egingo dira eskoletan.

   

Idatzi zure KOMENTARIOA

 

1. Euskaraz idatzitako testuak bakarrik onartuko dira.

 

2. Ez dira onartuko berba txarrak, debaldeko salaketak eta difamazinoak. BEGITU ez da erantzulea izango.

 

3. Aurreko arauak ez badozuz beteten, BEGITUk neurriak hartuko ditu; besteak beste, komentarioa ezabatzea.

 

4. BEGITUk beretzat gordetzen dau zuk idatzitakoa argitaratzeko eskubidea, beti be iturria ondo nabarmenduta.

 

Izena
E_posta
Gaia
Komentarioa
       

 

Begitu  
Herriak
Kulturea
Kirolak
Begitandu
Begitu eta Zertu
Geure produktuak
Argazki eta bideoak
Zerbitzuak
Estekak
Begitulagunen txokoa
Hartu-emonetarako
Harpidetzak
Agendea
Iragarki laburrak
Inkesta
ZERTU Kultur Elkartea
Herriko Plaza 24, 48142 Artea
Telefonoa: 946 317 314

begitu@topagunea.com
Diseinua eta programazinoa: AIKOX INFORMÁTICA Y PUBLICIDAD