Martiaren 11ra arte, andrazkoai ezarritako edertasun ereduen gainean hausnarketea bultzatu gura dauan erakusketea dago ikusgai Igorreko Kultur Etxeko Erakusketa Aretoan. Eta ez banaiz berriz depilatzen, zer? titulupean, Rocio Salazar Sevillako ilustratzailearen biñetak batzean dira bertan.
Salazar ilustratzaile ezaguna da Eta ez banaiz berriz depilatzen, zer? biñeta bildumagaitik eta horreekaz egindako hainbat erakusketagaitik. Gainera, Mentiras para ser una mujer de verdad liburuaren egilea be bada. Liburua Erakusketa Aretoan aurkeztuko dau martiaren 7an, 19:00etan.