Anita Maravillas eta Portal 71 konpainiak Jon Braun titere antzezlana eskeiniko dabe Igorreko Kultur Etxeko Lasarte Aretoan martiaren 31n, arrastiko 18:00etan. Lau urtetik gorako umeentzat da egokia eta zoritxarren aurrean maitasunak emoten deuskun ausardiaz egiten dau berba.
Anita Maravillas konpainiak titereen hizkuntza ikerketa, estetika zaindua eta umorea buztartzen ditu bere lanetan. Oingo honetan Jon Braun, Imanol Urbietaren abestiko indio ezaguna aukeratu dau neba-arreben arteko loturaz berba egiteko, abenturaz eta maitasunez betetako western honetan.
Ivan Alonsoren zuzendaritzapean, Miren Larreak eta Valentina Raposok antzezle lanetan jardungo dabe.