Igorreko Zineklubak, Olivier Assayas-ek 2012an zuzendutako Après mai pelikula frantziarra dakar Lasarte Aretora maiatzaren 3an, iluntzeko 20:00etan. Veneciako jaialdian gidoi onenari saria jaso eban.
Filma, Parisen, 1970eko hamarkadearen hasikeran girotuta dago. Gilles, 18 urteko ikasle gaztea, 1968ko maiatzak ekarri dituan aldaketa sozial barriak markautako eferbeszentzia politiko eta sortzailean murgilduta dago. Maitasun topaketak eta aurkikuntza artistikoak, lehenengo Italiara eta ondoren Londonera eroango ditue Gilles eta bere lagunak. Biajean, ebatzi garrantzitsuak hartu beharko ditue.