Tanttaka Teatroak, Soka antzezlana ekarriko dau Igorreko Lasarte Aretora maiatzaren 12an, arrastiko 20:00etan. Iñaki Rikartek egingo dau protagonistearen papela, Mikel Gurreak idatzi eta Fernando Bernuesek zuzendutako lan honetan.
Lanak, eskola jazarpena gaitzat hartuta, Igor izeneko gimnasia irakaslea dauka protagonista. Hamaika urteko ikasle baten gorpua aurkituko dabe urkatuta eta irakaslea erruduntzat jota, ingurukoak baztertu egingo dabe. Ondorioz, irakasleak bilaketa bateri ekingo deutso eta horretan, errua eta erantzukizunaren arteko mugak marraztuko dira.