Hilaren 27an, 22:00etan, Alboka taldeak Zubizarran joko dau, Areatzako San Bartolome jaietako egitarauaren barruan.
Taldea 1994an sortu zan, era instrumental eta akustikoan, musika tradizionala biltzeako eta interpretetako. Hogei urte honeetan, taldeak bost disko kaleratu ditu eta adituen errekonozimentua jaso dau. Taldean musikari askok joten dabe. Honeek dira Areatzan izango diranak: Iker Lopez de Bergara (albokea eta flautak), Joxan Goikoetxea (akordeoia, perkusinoa, txirula eta sintetizadoreak), Juanjo Otxandorena (bouzukia), Xabi San Sebastian (gitarrea eta ahotsa), Arkaitz Miner (biolina eta mandolinea), Iosune Marin (mandolinea, gitarrea eta ahotsa) eta Iraide Ansorena (perkusinoak).