Markeliñe antzerki konpainiak, urri bigarrenaren 11n, 17:30ean, Crusoe antzezlana antzeztuko dau Igorreko Lasarte Aretoan. Fernando Baradok, Jon Koldo Vazquezek eta Itziar Fraguak osotuten dabe lan honetako talde artistikoa.
Markeliñekoai asko gustetan jakie testu klasikoak eta ezagunak erabiltea beste buelta bat emoteko. Oingo honetan, bere uhartean bakarrik dagoan naufragoagaz olgauko dira, bizitzaren gaineko metafora bat egiteko. Jaiotza, ez da zure patuaren uharte bakartian bertan behera ixten zaituan naufragio bat baino. Bizitza barriz, gertatzen danak eta buruak interpretetan dauanak osotuten dabena da. Crusoek, Ostiralek lagunduta, bizitza lasaia bizitea lortuko dau.