Paperezkoak - Azken Alea
KOMENTARIOAK
Ainara Garcia Goitiandiak Cómeme la flor aurkeztuko dau Igorren

Zezeilaren 14an, San Balendin eguna aprobetxau eban Ainara G. Goitiandiak, sare sozialetan Bedarlari izenagaz ezaguna danak, maitasun erromantikoaren mitoaren gaineko berbaldia egin eta Cómeme la flor bere liburua aurkezteko Lemoako Udal Liburutegian. Liburuan, 25 narrazino feminista batzean dira eta Igorren be aurkeztuko dau martiaren 6an, 19:30ean, liburutegian.


Dokumentazino lan handia egin dau egileak eta datu asko, zein andren testigantzak dagoz Cómeme la flor liburuko narrazinoetan. Sexu hezkuntza, andran kontrako indarkeria eta amodio erromantikoa dira narrazinoon gaietako batzuk.
Andren Nazinoarteko Eguna ospatuteko antolatu dau Igorreko Liburutegiak liburuaren aurkezpena, "andren eskubideak eta benetako bardintasuna" aldarrikatzeko, Irune Elexpe liburuzainaren arabera.

Maitasun erromantikoaren mitoa
"Matxismo instituzionala da oinarria eta beste matxismoen sorburu" esan eban Garcia Goitiandiak Lemoan. "Nik matxismoa populazinoaren kontrol moduan ulertuten dot. Populazinoaren erdiak beste erdia kontroletan daualako". Eta horretarako tresna bat maitasun erromantikoaren mitoa da. Maitasun erromantikoa "hartu-emon sentimentala gizon eta andren artekoa (gizon eta andren artekoa bakarrik), heteropatriarkal eta kapitalistea" da.
Bere esanetan mito hau zazpi guzurretan oinarritzen da eta guzurrok andrai zuzenduta dagoz. Honeek dira mitoaren oinarriak: maitasuna betiko da; kontrola eta zeloak normalak dira maitasuna dagoanean; maitasunak dana gaindituten dau; amodio erromantikoak familia eredu patriarkala planteetan dau; gauza zoroak egitea maitasunagaitik oso erromantikotzat hartzean da, (baina andrakanako eraso eta indarkeria estaltzen ditu); beste erdiaren bila dabizan naranja erdiak gara, eta bat-bateko maitemina. Desira eta maitasuna nahastu egiten dira maitasun erromantikoan, "bat-batekoa ez da maitasuna, desira sexuala da. Maitasuna, denporea, ardurea eta enpatia da" azaldu eban Garcia Goitiandiak.

   

Idatzi zure KOMENTARIOA

 

1. Euskaraz idatzitako testuak bakarrik onartuko dira.

 

2. Ez dira onartuko berba txarrak, debaldeko salaketak eta difamazinoak. BEGITU ez da erantzulea izango.

 

3. Aurreko arauak ez badozuz beteten, BEGITUk neurriak hartuko ditu; besteak beste, komentarioa ezabatzea.

 

4. BEGITUk beretzat gordetzen dau zuk idatzitakoa argitaratzeko eskubidea, beti be iturria ondo nabarmenduta.

 

Izena
E_posta
Gaia
Komentarioa
       

 

Begitu  
Herriak
Kulturea
Kirolak
Begitandu
Begitu eta Zertu
Geure produktuak
Argazki eta bideoak
Zerbitzuak
Estekak
Begitulagunen txokoa
Hartu-emonetarako
Harpidetzak
Agendea
Iragarki laburrak
Inkesta
ZERTU Kultur Elkartea
Herriko Plaza 24, 48142 Artea
Telefonoa: 946 317 314

begitu@topagunea.com
Diseinua eta programazinoa: AIKOX INFORMÁTICA Y PUBLICIDAD