Bizkaiko metalgintzan ordezkaritza daukien zortzi sindikatuak egin dabe deialdia, patronalagaz (FVEM) egindako bileretan akordiorik ez dalako lortu. Egun osoko lan-ixteak erregistrau dabez Eusko Jaurlaritzan, zemendiaren 28 eta 29 eta abenduaren 4, 5, 12, 13, 18 eta 19rako.
Metalgintzan ordezkaritzea daukien sindikatuak ELA, CCOO, LAB, UGT, ESK, CGT, USO eta CNT dira. Euren arabera negoziazino mahaira eroandako proposamenetatik urrun dagoz patronalaren jarkerak. Proposamenez gainera, sindikatuak, enpresa batek beste bat erostean beharginakaz daukazan obligazinoak mantenidu beharra arautu gura dabe.