Anari Alberdi musikariak kontzertua eskainiko dau hilaren 13an, 19:00etan, Igorreko Lasarte Aretoan.
Musika munduan hogei urtetik gorako ibilbidean, bakarkako 9 disko kaleratu ditu. Anari (Esan Ozenki, 1997) izan zan lehenengoa eta Epilogo bat (Bidehuts, 2016) atzena. Zebra (Meta, 2005), Irla izan (Bidehuts, 2009) eta Zure aurrekari penalak (Bidehuts, 2015) dira ezagunenetako batzuk. Hainbat kolaborazino eta beste artista batzukaz alkarlaneko proiektuetan be hartu dau parte.
2018an, Adarra saria jaso eban, "hogei urteko ibilbidean, berbai garrantzia eta musikeari nortasuna emoteagaitik".